Baankiin Hijraa appilikeeshinii Baankiingii mobaayilaa haaraa hojiirra oolche.

Tajaajilli baankii moobaayilaa haaraan Baankii Hijraa OMNPlus jedhamu Hagayya 26, 2015 irraa eegalee ifatti maamilaaf tajaajila kan kennu ta’uu  preezdaantiin baankichaa Obbo Daawiit Qannoo beeksisaniiru.

Ibsa oduu kana irratti akka ibsametti, aplikeeshiniin mobaayilaa ammayyaa ta’e kun fedhii maamiltootaa yeroo yeroon dabalaa jiru guutuuf kan qophaa’edha.

Appiilikeeshiinichi tajaajilaaf saffisa, mijaa’inaa, ga’uumsaa fi nageenya amansiisaa kan qabu yoo ta’u  afaanota shaniin kan qophaa’uun tajaajila baankii moobaayilaa fi baankii interneetii #USSD-waltajjii tokko keessatti kan walitti fidu ta’uu isaati, fayyadamaaf salphaa fi mijataa taasisuudhaan.

Bu’uura kanaan maamiltoonni Baankii Hijraa hundi tajaajila baankii mobaayilaa OMNIPlus Play Store ykn App Store irraa buufachuun tajaajila kana fayyadamuu ni danda’u.

OMNIPlus fayyadamuun   hanga maallaqaa qabdan to’achuu bira darbee, maallaqa herrega Baankii Hijraa irraan waliif erguuf,  ykln dhaabbilee faayinaansii biroo gidduuttis daddabarsa maallaqaa raawwatuuf; haftee Maallaqaa keessan  beekuuf;  gabaasa baasii fi galii herrega keessan  argachuu; Maallaqa Baankii Hijraa irraa gara Tele Birr akkasumas Teelee Birriitti dabarsuuf;  Herrega Qusannaa mataa keessanii irraa gara herrega qusannaa isa alammataa qabdanitti dabarsuuf; Odeeffannoo herregaa buufachuufi waliifis erguuf, yeroo qilleensa bilbilaa keessan bitachuuf, koodii QR ergamtootaa fi daldaltoota dhaabbilee akka Maayikiroo Faayinaansii Reeyisiitti  maallaqa daddabarfatuu fi dhaabbilee biroo kan Baankii Hijraa wajjiin hojjetan waliin sirna bittaa fi gurgurtaa kamuu keessatti salphaatti daldala raawwachuu fi maallaqa callaa akka argatan akka isaan dandeessisu ibsameera.

Baankiin Hijraa turtii waggaa lama hin guunne keessatti gara bu’aa jijjiirramuun isaa ni yaadatama.

Baankii Hijraa
Imala gara egeree ifaa!